اسلام آباد – 30 جون (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم محمد نواز شريف جو ويزن آهي ته پاڪستان امن جو گهوارو بڻجي ۽ راندين جا ميدان آباد ٿين، راندين ذريعي نوجوانن کي مثبت سرگرمين طرف آڻڻ وقت جي اهم ضرورت آهي، ميڊيا ان ڏس ۾ اهم ڪردار ادا ڪري سگهي ٿي. اهڙن خيالن جو اظهار هن ايشين اسپورٽس جرنلسٽس فيڊريشن جي سيڪريٽري جنرل امجد عزيز ملڪ سان ڳالهائيندي ڪيو.
