اسلام آباد – 07 جون (اي پي پي) وزيراعظم محمد نواز شريف شنگهائي تعاون تنظيم (ايس سي او) جي اسٽيٽ ڪائونسل جي سربراهن جي 17 هين اجلاس ۾ شرڪت ڪندو جيڪو 8 ۽ 9 جون تي قزاخستان جي گادي واري شهر آستانه ۾ منعقد ٿي رهيو آهي. پرڏيهي آفيس جي ترجمان طرفان جاري بيان موجب ايس سي او سربراهه اجلاس جي موقعي تي وزيراعظم ٻين شريڪ اڳواڻن سان ملاقاتون به ڪندو. ايس سي او سربراهه اجلاس کانسواءِ قزاخستان انٽرنيشنل ايڪسپو 2017ع جي ميزباني به ڪري رهيو آهي جنهن ۾ پاڪستان سميت 100 کان وڌيڪ ملڪ شرڪت ڪري رهيا آهن.
