لنڊن – 25 جون (اي پي پي) وزيراعظم محمد نواز شريف چيو آهي ته نيشنل ايڪشن پلان تحت آپريشن ردالفساد تي موثر عملدرآمد ذريعي دهشتگردي جي لعنت جو مقابلو ڪري رهيا آهيون، گذريل چئن سالن دوران دهشتگردي جي خاتمي لاءِ موثر قدمن جي ڪري امن امان جي صورتحال ۾ بهتري آئي آهي. اهڙن خيالن جو اظهار هن لنڊن ۾ عيد جي نماز جي ادائيگي کانپوءِ صحافين سان ڳالهائيندي ڪيو. ملڪ ۾ دهشتگردي جي تازن واقعن جي حوالي سان هن چيو ته دهشتگردي جي واقعن ۾ نمايان گهٽتائي آئي آهي، دهشتگرد ايڪڙ ٻيڪڙ واقعن ذريعي پنهنجي موجودگي ظاهر ڪري رهيا آهن انهن جو جلد خاتمو ڪنداسين.
