اسلام آباد – 13 جون (اي پي پي) وزيراعظم محمد نواز شريف اميد ظاهر ڪئي آهي ته نار ۾ موجوده بحران مسلم امت جي بهترين مفاد ۾ جلد حل ڪيو ويندو. اها ڳالهه وزيراعظم جي سعودي عرب جي هڪ ڏينهن جي دوري جي پڄاڻي تي ايوان وزيراعظم طرفان جاري بيان ۾ ٻڌائي وئي. وزيراعظم محمد نواز شريف سعودي فرمانروا خادم الحرمين الشريفين شاهه سلمان بن عبدالعزيز سان سومر ڏينهن شاهي محل جده ۾ ملاقات ڪئي. وزيراعظم نار تعاون ڪائونسل جي ميمبرن جي وچ ۾ هنگامي صورتحال جي ڏس ۾ هي دورو ڪيو.
