اسلام آباد – 20 جون (اي پي پي) ايسوسئيٽيڊ پريس آف پاڪستان (اي پي پي) ڏکڻ ڪوريا جي يونپ نيوز ايجنسي جي سهڪار سان انٽرنيشنل نيوز ايجنسيز پورٽل ۾ شموليت لاءِ مفاهمت جي هڪ يادداشت تي صحيحون ڪيون آهن. مفاهمت جي يادداشت تي صحيحون ڪرڻ جي تقريب اي پي پي هيڊڪوارٽر اسلام آباد ۾ ٿي، ان موقعي تي ايسوسئيٽيڊ پريس آف پاڪستان جي مينيجنگ ڊائريڪٽر مسعود ملڪ يونپ نيوز ايجنسي جي گلوبل اسٽريٽجي ٽيم جي سربراهه يو چنگ يپ ۽ ڊپٽي هيڊ آف ميڊيا ٽيڪنالاجي بيورو ڪم ال جونگ جي آجيان ڪندي ان اميد جو اظهار ڪيو ته پورٽل شروع ڪرڻ جي لاءِ نيوز ايجنسين جي تعاون سان نيوز ايجنسين جي وچ ۾ خبرن جي مٽاسٽا بابت معاهدن جي فعال ڪرڻ ۾ مدد ملندي.
