بيجنگ – 14 مئي (اي پي پي( وزيراعظم محمد نواز شريف چيو آهي ته ون بيلٽ ون روڊ تحت پاڪ چين اقتصادي لنگهه جو منصوبو خطي جي سمورن ملڪن جي لاءِ کليل آهي ۽ ان کي سياست جي ور نه چاڙهڻ گهرجي، ان منصوبي جون ڪي جاگرافيائي سرحدون نه آهن. هو چين جي گادي واري شهر بيجنگ ۾ بيلٽ اينڊ روڊ فورم جي اعليٰ سطحي جي ڊائيلاگ جي افتتاحي سيشن کي خطاب ڪري رهيو هو جنهن جو موضوع عوامي خوشحالي بابت تعاون آهي. وزيراعظم محمد نواز شريف واضح طور تي چيو ته سي پيڪ منصوبي ۾ خطي جا سمورا ملڪ شامل ٿي سگهن ٿا، ان منصوبي تي سياست کان پاسو ڪيو وڃي. وزيراعظم چيو ته اچو گڏيل اختلاف وساري پرامن ٺوس ۽ هڪ ٻئي جو خيال رکندڙ پاڙيسرين وانگر رهون.
