اسلام آباد – 30 مئي (اي پي پي) صدر ممنون حسين چيو آهي ته پاڪستان ٿائي لينڊ سان لاڳاپن کي وڏي اهميت ڏي ٿو ۽ پاڪستان ڏکڻ اوڀر ايشيائي خطي سان سياسي ۽ واپاري لاڳاپن ۾ اضافي جو خواهشمند آهي، صدر اها ڳالهه پاڪستان جي ٿائي لينڊ لاءِ نامزد سفير عاصم افتخار احمد سان ايوان صدر ۾ ڳالهائيندي چئي. صدر نامزد سفير کي چيو ته پاڪستان کي آسيان جي مڪمل ميمبرشپ ڏيارڻ جي لاءِ خطي جي ملڪن سان ويجها رابطا هموار ڪيا وڃن. هن ان اميد جو اظهار ڪيو ته نامزد سفير عاصم افتخار ٻنهي ملڪن جي ٻه طرفي لاڳاپن جي فروغ ۾ پنهنجو ڀرپور ڪردار ادا ڪندو.
