اسلام آباد – 31 مئي (اي پي پي) صدر ممنون حسين پارليامينٽ جي گڏيل اجلاس کي اڄ خطاب ڪندو، پارليامينٽ جو گڏيل اجلاس قومي اسيمبلي جي اسپيڪر سردار اياز صادق جي صدارت ۾ صبح جو 11 وڳي ٿيندو، صدر جي پارليامينٽ کي خطاب جي لاءِ سمورا انتظام مڪمل ڪيا ويا آهن. مهمانن جي پارليامينٽ گئلري ۾ انٽري خصوصي دعوتي ڪارڊ تي هوندي، ميڊيا سميت سمورن مهمانن کي صدر جو خطاب ٻڌڻ لاءِ دعوتناما جاري ڪيا ويا آهن. صدر ممنون حسين جو پارليامينٽ جي گڏيل اجلاس کي هي پنجون خطاب هوندو.
