اسلام آباد – 27 مئي (اي پي پي) اطلاعات ۽ نشريات واري مملڪتي وزير مريم اورنگزيب ماضي جي ناليواري اداڪاره راني جي فن جي شعبي ۾ خدمتن کي ساراهيندي چيو آهي ته اردو ۽ پنجابي فلمن ۾ يادگار ڪردار ادا ڪندڙ فنڪاره اڄ به پنهنجي مداحن جي دلين ۾ زندهه آهي. 27 مئي 1993ع تي ڪينسر سبب لاڏاڻو ڪري ويل ناصره بيگم جنهن راني جي فلمي نالي سان شهرت ماڻي. ان جي ورسيءَ تي پنهنجي پيغام ۾ مملڪتي وزير چيو ته ديور ڀاڀي، چن مکڻا، سجن پيارا، دنيا مطلب دي، تهذيب، امرائو جان ادا سميت ٻيون فلمون اڃا تائين ماڻهن کي ياد آهن جن ۾ هن ناقابل فراموش فنڪاراڻي صلاحيتن جو مظاهرو ڪيو.
