اسلام آباد – 24 مئي (اي پي پي) صدر ممنون حسين اعليٰ تعليم حاصل ڪرڻ جي لاءِ عورتن کي هڪ جهڙا موقعا ڏيڻ تي زور ڏيندي چيو آهي ته تعليم يافته عورتون ترقي جي فروغ ۾ اهم ڪردار رکندڙ آهن. رفاهه انٽرنيشنل يونيورسٽي ۾ عورتن جي ڪئمپس جي افتتاحي تقريب کي خطاب ڪندي صدر چيو ته اها ڳالهه ضروري آهي ته عورتون اعليٰ تعليم حاصل ڪن ۽ زندگي جي مختلف شعبن ۾ پنهنجو ڪردار ادا ڪن ته جيئن قومي ترقي جي رفتار تيز ٿئي. صدر چيو ته تيز رفتار ترقي جي لاءِ عورتن کي پنهنجو موثر ڪردار ادا ڪرڻو آهي. صدر چيو ته صنفي امتياز جي خاتمي ۽ هڪ جهڙن حقن جي فراهمي سان ئي غربت جو خاتمو ممڪن آهي، ملڪ جي اڌ کان وڌيڪ آبادي کي ترقي جي ڌارا کان جدا نه ٿو رکي سگهجي.
