اسلام آباد – 30 مئي (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته سمورن اعتراضن ۽ خدشن جي باوجود حسين نواز جي آءِ ٽي آڏو پيش ٿيو آهي ۽ 5 کان 6 ڪلاڪ جي آءِ ٽي جي سوالن جا جواب ڏنا، حسين نواز جي طبيعت خراب هجڻ بابت افواهه پکيڙي وئي اهڙو ڪجهه نه ناهي ٿيو، ايمبولينس حسين نواز جي لاءِ نه آئي هئي، انصار عباسي جي خبر تي سپريم ڪورٽ نوٽيس وٺي. هو قومي اسيمبلي ميمبر دانيال عزيز سان گڏ پي آءِ ڊي ۾ پريس ڪانفرنس کي خطاب ڪري رهي هئي. مملڪتي وزير مريم اورنگزيب چيو ته پاناما ليڪس جي معاملي تي وزيراعظم محمد نواز شريف سڀ کان اڳ سپريم ڪورٽ کي جي آءِ ٽي يا ڪميشن ٺاهڻ جي لاءِ خط لکيو هو. هن چيو ته عمران خان شروع وارن ڏينهن کان ئي الزامن جي برسات ڪري ڇڏي، ڪڏهن هن چونڊن ۾ ڌانڌلي جو الزام هنيو ته ڪڏهن پاناما ليڪس ۽ ڊان ليڪس جو سهارو وٺندو رهيو پر کيس ڪنهن به طرف کان ڪاميابي نه ملي سگهي.
