اسلام آباد – 20 اپريل (اي پي پي) وزيراعظم جي پرڏيهي معاملن واري صلاحڪار سرتاج عزيز چيو آهي ته پاڪستان ڪشمير جي مسئلي کي عالمي سطح تي اجاگر ڪرڻ جي لاءِ ڀرپور قدم کڻي رهيو آهي، گڏيل قومون، اسلامي ڪانفرنس تنظيم ۽ ٻين عالمي تنظيمن کي والاريل ڪشمير ۾ ڀارتي ظلم ۽ ڀارتي جارحيت بابت آگاهه ڪرڻ جي لاءِ خط لکيا ويا آهن. عالمي برادري کي ڪشمير جي مسئلي جي حل لاءِ پنهنجو ڪردار ادا ڪرڻ گهرجي. سينيٽ ۾ هن چيو ته سڀني پاڪستاني سفارتخانن کي هدايت ڪئي وئي آهي ته هو هفتيوار بنياد تي لاڳاپيل حڪومتن کي والاريل ڪشمير ۾ انساني حقن جي خلاف ورزين جي حوالي سان آگاهه ڪن.
