اسلام آباد – 06 اپريل (اي پي پي) صدر ممنون حسين چيو آهي ته پاڪ چين دوستي خطي ۾ امن جي ضمانت بڻجي چڪي آهي، پاڪ چين اقتصادي لنگهه تحت ترقياتي منصوبن جي وقت سر مڪمل ٿين سان پاڪستان سميت پوري خطي ۾ ترقي ۽ خوشحالي يقيني بڻجي ويندي جڏهن ته چين جي سياسي مشاورتي ڪانفرنس جي چيئرمين يوزنگ شنگ چيو آهي ته پاڪستان ۽ چين ترقي جي ثمرن ۾ پوري دنيا کي شريڪ ڪرڻ چاهين ٿا، اهي ملڪ تمام جلد اڪيلا ٿي ويندا جيڪي پنهنجي مفادن جي لاءِ عالمي برادري کي نظرانداز ڪن ٿا. ٻنهي اڳواڻن اهڙن خيالن جو اظهار ايوان صدر ۾ ٿيندڙ پنهنجي ملاقات ۾ ڪيو.
