اسلام آباد – 10 اپريل (اي پي پي) قومي اسيمبلي جي اسپيڪر سردار اياز صادق بيلاروس سان گڏيل رابطن کي هٿي ڏيڻ ۽ عوامي سطح تي ٻنهي ملڪن جي وچ ۾ ٻطرفن لاڳاپن ۾ وڌيڪ اضافي جي ضرورت تي زور ڏيندي چيو آهي ته ٻنهي ملڪن جي وچ ۾ پارلياماني ۽ اقتصادي تعاون وقت جي گهرج آهي. هو بيلاروس جي اسپيڪر جي سربراهي ۾ پاڪستان جي دوري تي آيل وفد سان ڳالهائي رهيو هو جنهن قومي اسيمبلي جي اسپيڪر سان پارليامينٽ هائوس ۾ وفد سان گڏ ملاقات ڪئي.
