اسلام آباد – 06 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم هيلٿ ڪيئر پروگرام جو مقصد صحت جي سهولتن تائين عوام جي بنا ڪنهن فرق جي پهچ کي يقيني بڻائڻ آهي، تعليم يافته ۽ صحتمند پاڪستان سان ترقي يافته، خوشحال ۽ مستحڪم ملڪ جو خواب پورو ڪري سگهجي ٿو، صحت جي شعبي ۾ بهتري ۽ آگاهي جي لاءِ سرڪاري سان گڏوگڏ نجي شعبو پڻ اهم ڪردار ادا ڪري رهيو آهي. اهڙن خيالن جو اظهار هن صحت جي عالمي ڏهاڙي جي حوالي سان تقريب کي خطاب ڪندي ڪيو.
