اسلام آباد – 20 اپريل (اي پي پي) صدر ممنون حسين مختلف سياسي، اقتصادي ۽ ثقافتي پس منظر رکندڙ عورتن تي زور ڏنو آهي ته هو هر قسم جي خدشن ۽ پريشاني کي نظرانداز ڪندي ملڪ جي ترقي ۽ خوشحالي جي لاءِ پنهنجون ڪوششون استعمال ۾ آڻين. هن اها ڳالهه بينظير انڪم سپورٽ پروگرام (بي آءِ ايس پي) جي تيار ڪيل ڪتاب ”بي آءِ ايس پي جون ڪهاڻيون“ جي مهورتي تقريب کي خطاب ڪندي چئي. هي ڪتاب سڄي ملڪ مان 146 عورتن جي ڪهاڻين تي ٻڌل آهي جيڪو بي آءِ ايس پي طرفان ملندڙ وظيفن سبب انتهائي غريب عورتن ۽ خاندانن جي زندگين ۾ مثبت اثرن جي عڪاسي ڪري ٿو.
