اسلام آباد – 11 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب پاڪستان نيشنل ڪائونسل آف آرٽس ۾ فلم ڪلب جو باقاعده افتتاح چين جي فلم پوسٽ مين ان دي مائونٽين جي نمائش سان ڪيو. فلم ڪلب جي تقريب کي خطاب ڪندي هن چيو ته پاڪستان ۽ چين جي عوام سان لاڳاپا ۽ رابطا چئن نسلن تائين پهچي چڪا آهن. هن چيو ته پاڪستان ۽ چين جي دوستي ماکيءَ کان وڌيڪ مٺي، هماليه کان وڌيڪ اونچي، سمنڊ کان وڌيڪ گهري ۽ اسٽيل کان وڌيڪ طاقتور آهي، پاڪستان ۾ چين جي فلمن جي نمائش سان ٻنهي ملڪن جي وچ ۾ لاڳاپا وڌيڪ مستحڪم ٿيندا. مملڪتي وزير چيو ته پاڪ چين دوستي ٻنهي ملڪن جي عوام جي وچ ۾ هر ايندر ڏينهن مستحڪم ٿي رهي آهي.
