اسلام آباد – 23 اپريل (اي پي پي) ناڻي ۽ اقتصادي معاملن واري وفاقي وزير سينيٽر اسحاق ڊار ورلڊ بئنڪ جي نائب صدر ايني ڊڪسن کي ملڪي اقتصادي صورتحال بابت آگاهه ڪندي چيو آهي ته حڪومت پائيدار اقتصادي ترقي جي لاءِ ڍانچاجاتي تبديليون آڻڻ جي لاءِ قدم کنيا آهن. ناڻي واري وفاقي وزير اسحاق ڊار چيو ته حڪومت 2018ع کان اڳ لوڊشيڊنگ تي ضابطو آڻڻ جي لاءِ توانائي جي شعبي کي اولين ترجيح بڻايو آهي، اٽڪل 25 هزار ميگاواٽ جا منصوبا مڪمل ٿيڻ جي مختلف مرحلن ۾ آهن جن مان 10 هزار ميگاواٽ بجلي مارچ 2018ع تائين سسٽم ۾ شامل ٿي ويندي.