اسلام آباد – 11 اپريل (اي پي پي) صدر ممنون حسين اسلامي تعاون تنظيم (او آءِ سي) تي زور ڏنو آهي ته اها مسلم دنيا بابت پراڻي تڪرارن فلسطين ۽ ڄمون ۽ ڪشمير جي حل جي لاءِ هڪ ٿي فعال ڪردار ادا ڪري، اهي ٻئي اسان جي دلين جي تمام گهڻو ويجهو آهن ۽ اسان جي لاڳيتو ڌيان جا گهرجائو آهن. هو او آءِ سي جي سيڪريٽري جنرل ڊاڪٽر يوسف احمد سان ڳالهائي رهيو هو جنهن هڪ وفد سان گڏ ساڻس ملاقات ڪئي. صدر پاڪستان جي سندس پهرين دوري جي آجيان ڪندي او آءِ سي ۽ اسلامي ملڪن پاران والاريل ڄمون ۽ ڪشمير جي عوام جي خودمختياري جي حق کي حقيقت جو روپ ڏيڻ جي سلسلي ۾ يڪجهتي جي اظهار کي ساراهيو. هن او آءِ سي پاران ڄمون ۽ ڪشمير جي پنهنجي خصوصي نمائندي جي دوري جي لاءِ ڀارتي حڪومت کان سهولت فراهم ڪرڻ جي اصرار بابت تازن قدمن کي ساراهيو.
