اسلام آباد – 11 اپريل (اي پي پي) وزيراعظم محمد نواز شريف ڪشمير تڪرار جي حل ۾ آمريڪا جي اهم ڪردار جي اهميت کي اجاگر ڪندي اميد ظاهر ڪئي آهي ته صدر ڊونلڊ ٽرمپ جي قيادت ۾ نئين آمريڪي انتظاميا پاڪستان ۽ ڀارت جي وچ ۾ پراڻي ڪشمير تڪرار جي حل ۾ مدد جي لاءِ پنهنجو فعال ڪردار ادا ڪندي جيڪو ڏکڻ ايشيا جي خطي ۾ امن جي راهه ۾ سڀ کان وڏي رڪاوٽ آهي. ڪجهه عنصر عام ماڻهو جي حالت کي بهتر بڻائڻ جي لاءِ حڪومت جي ڪوششن ۾ هر قسم جون رڪاوٽون پيدا ڪرڻ چاهين ٿا. هن اها ڳالهه اي پي پي جي خصوصي نمائندي زاهد حميدي کي هتي وزيراعظم هائوس ۾ خصوصي انٽرويو ڏيندي چئي. وزيراعظم چيو ته ڪشمير جي حوالي سان آمريڪا تمام اهم ڪردار اد اڪري سگهي ٿو جيڪو هن اڃا تائين ناهي ڪيو. هن چيو ته آمريڪا سميت پوري دنيا ان تڪرار سبب عالمي امن ۽ خطي ۾ استحڪام کي لاڳو خطري کان آگاهه آهي.
