اسلام آباد – 26 اپريل (اي پي پي) صدر ممنون حسين چيو آهي ته ازبڪستان وچ ايشيا جو اهم ترين ملڪ آهي ۽ پاڪستان ازبڪستان سان لاڳاپن کي وڏي قدر جي نگاهه سان ڏسي ٿو. اها ڳالهه هن ايوان صدر ۾ ازبڪستان جي لاءِ نامزد سفير ڊاڪٽر عرفان يوسف شامي سان ڳالهائيندي چئي. صدر ممنون حسين نامزد سفير ڊاڪٽر عرفان يوسف شامي کي ازبڪستان ۾ سفير مقرر ٿيڻ تي مبارڪباد ڏيندي چيو ته ٻنهي ملڪن جي وچ ۾ ٻه طرفي لاڳاپن کي فروغ ڏيڻ جي ضرورت آهي.