اسلام آباد – 10 مارچ (اي پي پي) صدر ممنون حسين چيو آهي ته پاڪ چين اقتصادي لنگهه ۽ توانائي جي منصوبن جي مڪمل ٿيڻ سان ڪاروبار جون نيون راهون کلنديون ۽ روزگار جا موقعا ملندا، حڪومت سيڙپڪاري جي فروغ ۽ سازگار ڪاروباري ماحول فراهم ڪرڻ جي لاءِ سمورا وسيلا استعمال ۾ آڻي رهي آهي. صدر اها ڳالهه ايوان صدر ۾ حاجي محمد افضل جي سربراهي ۾ سرحد چيمبر آف ڪامرس اينڊ انڊسٽري جي وفد سان ملاقات دوران ڳالهائيندي چئي. ملاقات ۾ واپار واري وزارت ۽ فيڊرل بورڊ آف روينيو جا عملدار پڻ شريڪ هئا.
