اسلام آباد – 23 مارچ (اي پي پي) پاڪ فوج جي سربراهه جنرل قمر جاويد باجوه پريڊ گرائونڊ ۾ موجود وار ويٽرنز سان ملاقاتون ڪيون ۽ پاڪ فوج جي انهن جوانن جي بلند حوصلن ۽ همت کي ساراهيو. 77 هين يوم پاڪستان جي پريڊ گرائونڊ ۾ مختلف جنگين ۾ حصو وٺندڙ ۽ معذور ٿيندڙ فوجي آفيسرن ۽ جوانن به ويل چيئرن تي پريڊ ۾ شرڪت ڪئي، پريڊ جي پڄاڻي تي آرمي چيف جنرل قمر جاويد باجوه پاڻ ان گئلري ۾ ويو ۽ جنگين جي دوران معذور ٿيندڙ جوانن سان هٿ ملايو ۽ انهن جي بلند حوصلي ۽ همت کي ساراهيو.
