اسلام آباد – 02 مارچ (اي پي پي) وزيراعظم محمد نواز شريف چيو آهي ته وفاقي ۽ صوبائي حڪومتن جي گڏيل ذميداري آهي ته هو وفاق جي انتظامن وارن علائقن، قبائلي علائقن (فاٽا)، آزاد ڄمون ۽ ڪشمير ۽ گلگت بلتستان جي ترقي ۽ انهن کي مرڪزي ڌارا ۾ آڻڻ لاءِ اڳتي اچن. وزيراعظم محمد نواز شريف وفاقي ڪابينا جو اجلاس کي خطاب ڪندي چيو ته پاڪستان هر شهري جو آهي ۽ ملڪ جي سمورن علائقن جي عوام جو قومي وسيلن تي هڪجهڙو حق آهي، وفاقي ڪابينا جي اجلاس ۾ فاٽا سڌارن واري ڪميٽي جي سفارشن جي اصولي منظوري ڏني وئي، وزيراعظم چيو ته آزاد ڄمون ۽ ڪشمير، گلگت بلتستان ۽ فاٽا جي ڏورانهن علائقن ۾ رهندڙ پاڪستانين کي لاهور، ڪراچي، پشاور ۽ ڪوئيٽا ۾ رهندڙن جي طرح سهولتن ۽ خدمتن جي فراهمي کي يقيني بڻايو وڃي.