اسلام آباد – 20 مارچ (اي پي پي) وزيراعظم محمد نوازشريف پاڪستان – افغانستان سرحد کي فوري طور تي کولڻ جا حڪم جاري ڪري ڇڏيا آهن. وزيراعظم آفيس جي ميڊيا ونگ طرفان جاري ڪيل بيان موجب وزيراعظم چيو ته باوجود ان ڳالهه جي ته ويجهڙ وارن ڏينهن ۾ پاڪستان ۾ ٿيندڙ دهشتگردي جي واقعن جا پيرا افغانستان جي سر زمين تي موجود پاڪستان دشمن عنصرن سان ملن ٿا ۽ اسان سمجهون ٿا ته ٻنهي ملڪن جي وچ ۾ صدين کان پراڻن مذهبي، ثقافتي ۽ تاريخي رابطن ۽ لاڳاپن کي نظر ۾ رکندي سرحد کي وڌيڪ دير تائين بند رهڻ عوامي ۽ معاشي مفادن جي خلاف آهي، ان لاءِ اسان فيصلو ڪيو آهي ته خير سگالي جي جذبي تحت هي سرحدون فوري طور تي کوليون وڃن.
