اسلام آباد – 23 مارچ (اي پي پي) پاڪستان جي ٽنهي هٿياربند فوجن 77هين يوم پاڪستان تي ڀرپور دفاعي صلاحيت جو مظاهرو ڪندي شاندار پريڊ جو انعقاد ڪيو، پهريون ڀيرو جمهوريه چين ۽ سعودي عرب جي دستن، ترڪش ملٽري بينڊ، ڏکڻ آفريقا جي فوج جي سربراهه پريڊ ۾ پنهنجي پنهنجي ملڪ جي نمائندگي ڪئي جيڪو انهن دوست ملڪن سان گهري گڏيل دوستي جو چٽو ثبوت آهي. پاڪ فضائيه جي سربراهه فلائي پاسٽ، آرمي ايوي ايشن جي ڪمانڊنگ آفيسر ميجر جنرل خليل زاد هيلي ڪاپٽر فلائي پاسٽ ۽ ايس ايس جي ڪمانڊنگ آفيسر ميجر جنرل طاهر مسعود ڀٽه فري فال جمپنگ جي قيادت ڪئي. پاڪ فضائيه جي جي ايف 17 ٿنڊر، ايف 16 ۽ شير دل فاميشن افق تي خوبصورت رنگ وکيريندي خوبصورت فضائي ڪرتب جو مظاهرو ڪيو
