اسلام آباد – پهرين مارچ (اي پي پي) وزيراعظم محمد نواز شريف چيو آهي ته اقتصادي تعاون تنظيم جي ميمبر ملڪن جي لاءِ بهترين تعاون جي ذريعي اڳتي وڌڻ جو وقت اچي ويو آهي، پاڪستان جي جاگرافيائي بيهڪ بهترين آهي، ايڪو کي هڪ طاقتور اقتصادي بلاڪ بڻائڻ ۽ ترقي طرف اڳڀرائي جي لاءِ هڪ موثر ادارو بڻائڻ جي گڏيل ويزن کي حاصل ڪرڻ لاءِ پاڪستان وٽ بنيادي ڍانچو موجود آهي، ميمبر ملڪن جي وچ ۾ رابطن کي هموار ڪرڻ ۽ واپاري رستن تي ڌيان ڏيڻ چاهيون ٿا. پاڪستان جي ميزباني ۾ اقتصادي تعاون تنظيم جي 13 هين اجلاس جي افتتاحي سيشن کي خطاب ڪندي وزيراعظم چيو ته هو ان ڳالهه تي يقين رکي ٿو ته اقتصادي تعاون تنظيم جو وقت هاڻي اچي چڪو آهي ۽ هي بهترين وقت آهي ته اڳتي وڌيو وڃي. علائقائي خوشحالي جي لاءِ رابطن جي پنهنجي خواب کي حقيقت ۾ بدلائڻ جي لاءِ ان کان وڌيڪ مناسب وقت پهرين ڪڏهن به ناهي آيو.
