اسلام آباد – 18 مارچ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب وزيراعظم محمد نواز شريف جي خواهش ۽ ويزن موجب پاڪستان ٽيلي ويزن (پي ٽي وي) ۽ پاڪستان براڊ ڪاسٽنگ ڪارپوريشن کي آزادي جي جدوجهد جي تاريخ ساز ۽ عظيم لمحن جي ياد تازي ڪرڻ لاءِ 18 مارچ کان 14 آگسٽ تائين پروگرامن جي مهم کي پنهنجي نشريات جو حصو بڻائڻ جي هدايت ڪئي آهي. ان مهم جو مقصد انهن تاريخي لمحن جي ياد تازي ڪرڻ آهي جنهن جي ڪري آزادي جي تحريڪ جي ذريعي پاڪستان وجود ۾ آيو ۽ آزادي جي تحريڪ کي هڪ جلا بخشي ۽ ان پختي عزم ۽ جذبي جي ذريعي ننڍي کنڊ جي مسلمانن ۾ آزادي حاصل ڪرڻ لاءِ سجاڳي آئي.
