اسلام آباد – 07 مارچ (اي پي پي) وزيراعظم محمد نواز شريف چيو آهي ته هٿياربند فوج اسان جي جمهوري قدرن، آئين، آزادي ۽ طرز زندگي جي تحفظ جي لاءِ دهشتگردي جي لعنت جي خلاف وڙهي رهي آهي، دشمنن کي انهن جي ناپاڪ ارادان ۾ ڪامياب ٿيڻ نه ڏينداسين، آپريشن ردالفساد ملڪ کي دهشتگردي کان پاڪ ڪرڻ تائين جاري رهندو. وزيراعظم صوابي ۾ دهشتگردن سان ويڙهه دوران ڪيپٽن جنيد ۽ سپاهي امجد جي شهادت تي تعزيت جو اظهار ڪندي دعا ڪئي ته الله تعاليٰ شهيدن جا درجا بلند ڪري ۽ انهن جي خاندانن کي صبر جميل عطا فرمائي.
