اسلام آباد – 22 مارچ (اي پي پي) وزيراعظم محمد نواز شريف چيو آهي ته موجوده حڪومت بجلي جي کوٽ کي بنيادي اقتصادي چئلينج سمجهندي ملڪ جي صنعتي، واپاري ۽ گهريلو ضرورتون پوريون ڪرڻ لاءِ بجلي جي شعبي کي اولين ترجيح ڏئي رهي آهي، پاڪستان پاڻي، سج جي روشني ۽ هوا سميت مختلف وسيلن مان بجلي پيدا ڪرڻ جي وسيع قدرتي صلاحيتن سان مالا مال آهي. هن اها ڳالهه اسٽيٽ پاور انويسٽمينٽ ڪارپوريشن چائنه جي چيئرمين وانگ بيانگ هوا سان اربع ڏينهن وزيراعظم هائوس ۾ ڳالهائيندي چئي.
