اسلام آباد – 14 مارچ (اي پي پي) وزيراعظم محمد نواز شريف چيو آهي ته حضور پاڪ صه سان محبت ۽ عقيدت هر مسلمان جو سڀ کان قيمتي سرمايو آهي ۽ اهو اسان جي دين جو بنياد آهي، حضور صه جي شان ۾ ڪنهن به طرح جي گستاخي ناقابل معافي آهي، ان سلسلي ۾ ڪنهن به سطح تي ڪا به ڪوتاهي برداشت نه ڪئي ويندي. گهرو وزير فوري طور تي گستاخي واري مواد جي بندش جي حوالي سان سمورا ضروري قدم کڻي ۽ ان جي ذميدارن کي بنا دير جي ڪيفر ڪردار تائين پهچايو وڃي، وزيراعظم آفيس جي پريس ونگ طرفان جاري بيان موجب وزيراعظم چيو آهي ته هي حقيقت نه وسارڻ گهرجي ته حضرت محمد صه پوري انسانيت جو محسن آهي، ناموس رسالت صه جي باري ۾ مسلمانن جي شديد حساسيت جو احترام ڪرڻ گهرجي.
