گوادر – 16 مارچ (اي پي پي) وزيراعظم محمد نواز شريف چيو آهي ته ترقي جا سمورا رستا بلوچستان مان نڪرندا، پاڪستان ايشيا جو ٽائيگر بڻجندو ۽ بلوچستان پاڪستان جو ٽائيگر بڻجندو، گوادر جي زمين سون کان وڌيڪ قيمتي ٿي چڪي آهي عوامي جلسي کي خطاب ڪندي وزيراعظم چيو ته ڪو به اهڙو ڏينهن نٿو گذري جنهن ۾ گوادر جو ذڪر نه هجي، بلوچستان ۾ رستن جي تعمير جي لاءِ اربين روپيا خرچ ڪري رهيا آهيون، ترقي سبب دهشتگرد ڀڄي رهيا آهن کين ڀڄائي ساهه کڻنداسين، بجلي جي منصوبن تي تيزي سان ڪم جاري آهي، جلد انڌيرو ختم ٿي ويندو، گوادر جي زمين سون کان وڌيڪ قيمتي ٿي چڪي آهي زمينن جي اصل مالڪن کي علائقي جي ترقي جو حصو ملڻ گهرجي.
