اسلام آباد – 28 فيبروري (اي پي پي) وزيراعظم محمد نواز شريف دهشتگردي جي خلاف جنگ ۾ پاڪستان جي لاءِ چين جي سفارتي ۽ مادي حمايت جي آجيان ڪئي آهي. هو چين جي ايگزيڪيوٽو نائب پرڏيهي وزير زي زوئي زان سان ڳالهائي رهيو هو جنهن وزيراعظم هائوس ۾ ساڻس ملاقات ڪئي. وزيراعظم چين پاران هر قسم جي حالتن ۾ حمايت تي چين جي قيادت ۽ عوام جا ٿورا مڃيندي چيو ته هر گذرندڙ ڏينهن سان گڏ پاڪستان ۽ چين جي وچ ۾ لاڳاپا وڌيڪ مضبوط ٿي رهيا آهن.
