اسلام آباد – 06 فيبروري (اي پي پي) صدر ممنون حسين چيو آهي ته پاڪستان بحرين سان پنهنجي لاڳاپن کي تمام گهڻي اهميت ڏي ٿو جيڪي گڏيل تاريخ، قدرن ۽ ثقافت ۽ گڏيل اعتماد تي ٻڌل آهن. هو بحرين جي پرڏيهي وزير شيخ خالد بن احمد بن محمد الخليفه سان ڳالهائي رهيو هو جنهن ايوان صدر ۾ ساڻس ملاقات ڪئي. وزيراعظم جو پرڏيهي معاملن وارو صلاحڪار سرتاج عزيز، بحرين ۾ پاڪستان جو سفير جاويد ملڪ ۽ پاڪستان ۾ بحرين جو سفير محمد ابراهيم محمد عبدالقادر پڻ ان موقعي تي موجود هئا.