اسلام آباد – 04 فيبروري (اي پي پي) ايل اين جي پاور پلانٽس بابت اڳڀرائي جو جائزو وٺڻ جي لاءِ ڪالهه ڇنڇر ڏينهن هتي ناڻي واري وفاقي وزير اسحاق ڊار جي صدارت ۾ اجلاس ٿيو. پاڻي ۽ بجلي وارو وفاقي وزير خواجه محمد آصف پڻ ان موقعي تي موجود هو. پاڻي ۽ بجلي واري سيڪريٽري يونس ڍاگا اجلاس کي بريفنگ ڏيندي چيو ته پاڻي ۽ بجلي واري وزارت وڌ کان وڌ بجلي جي پيداوار لاءِ سخت ڪم ڪري رهي آهي ۽ ان سلسلي ۾ ملڪ ۾ توانائي جي وڌندڙ ضرورتن تي ضابطو آڻڻ جي لاءِ ايل اين جي تي هلندڙ پاور پلانٽس موثر آپشن آهي.
