اسلام آباد – 09 فيبروري (اي پي پي) وزيراعظم محمد نواز شريف وزيراعظم آفيس جي باغيچي ۾ ٻوٽو هڻي گرين پاڪستان مهم جو افتتاح ڪيو جنهن تحت سڄي ملڪ ۾ 10 ڪروڙ ٻوٽا هنيا ويندا جنهن جي لاءِ وفاق ساڍا 3 ارب رپيا فراهم ڪندو جڏهن ته صوبا به ان مقصد جي لاءِ ايتري ئي رقم ڏيندا. ان موقعي تي دفاع وارو وفاقي وزير خواجه محمد آصف، قانون وارو وفاقي وزير زاهد حامد، وزيراعظم جو سياسي معاملن وارو صلاحڪار آصف ڪرماڻي پڻ موجود هئا. وزيراعظم ان موقعي تي خصوصي ٻارن کي پڻ خاص طور تي گهرايو هو.