اسلام آباد – 19 فيبروري (اي پي پي) مختلف سياسي پارٽين سان تعلق رکندڙ اڳواڻن دهشتگردي جي لعنت کي ختم ڪرڻ جي لاءِ گڏيل حڪمت عملي اختيار ڪرڻ جي ضرورت تي زور ڏنو آهي. پاڪستان مسلم ليگ (ن) جي سينيئر اڳواڻ صديق الفاروق ريڊيو پاڪستان سان ڳالهائيندي چيو ته دهشتگردي ۽ انتهاپسندي جي خاتمي جي لاءِ حڪومت سمورين سياسي پارٽين ۽ حصيدارن جي مشاورت سان قومي ايڪشن پلان جوڙيو جنهن تي ان جي روح موجب مڪمل عملدرآمد ڪيو ويندو. هن چيو ته دهشتگردي جي لعنت کي ختم ڪرڻ جي لاءِ گڏيل حڪمت عملي اختيار ڪرڻ جي ضرورت آهي. پاڪستان تحريڪ انصاف جي اڳواڻ شاهه محمود قريشي چيو ته اسان کي پنهنجي سرزمين ۽ پنهنجي ماڻهن جي تحفظ جي لاءِ سمورين ڪوششن کي يقيني بڻائڻو پوندو.
