اسلام آباد – 28 فيبروري (اي پي پي) وزيراعظم محمد نواز شريف چيو آهي ته عبدالستار ايڌي ماڻهن جي بنا ڪنهن فرق، رنگ، نسل ۽ مذهب ۽ مسلڪ خدمت ڪئي، هو پنهنجي ذات ۾ هڪ انجمن ۽ ادارو هو، انساني خدمت ڪندڙن جو نالو سدائين رهندو آهي، سماجي خدمت ڪندڙ عبدالستار ايڌي کي پنهنجو رول ماڊل بڻائين. عبدالستار ايڌي جي 89 هين سالگرهه جي موقعي تي پنهنجي پيغام ۾ وزيراعظم چيو ته عبدالستار انسانيت جو هڪ اهڙو معمار آهي جيڪو نه رڳو پاڪستان پر پوري انساني دنيا جي لاءِ فخر جو سبب آهي، تاريخ ۾ ڪڏهن ڪڏهن اهڙيون شخصيتون جنم وٺنديون آهن جيڪي پنهنجو اڄ انسانيت جي سڀاڻي جي لاءِ قربان ڪري ڇڏينديون آهن.
