ڪراچي – 18 فيبروري (اي پي پي) صدر ممنون حسين چيو آهي ته دهشتگرد پاڪستان جي ترقي جو رستو نه ٿا روڪي سگهن، پاڪستاني عوام پنهنجي اتحاد سان ترقي جي خلاف هر سازش کي ناڪام بڻائيندي، دهشتگردن کي ڪيفرڪردار تائين پهچايو ويندو ۽ انهن جي سرپرستن کي به انصاف جي ڪٽهڙي ۾ آندو ويندو، بيگناهن جي رت جو حساب ورتو ويندو، ملڪ جي مختلف حصن ۾ جاري آپريشن آخري دهشتگرد جي خاتمي تائين جاري رهندا، قوم منفي سوچ پکيڙيندڙن کان بچي. هو سنڌ مدرسته الاسلام يونيورسٽي جي ڪانووڪيشن کي خطاب ڪري رهيو هو.
