اسلام آباد – 28 فيبروري (اي پي پي) وزيراعظم محمد نواز شريف چيو آهي ته اي سي او تمام جلد هڪ اهم علائقائي اقتصادي بلاڪ بڻجي ويندو، اعلان اسلام آباد خطي جي عوام جي خواهشن جي عڪاسي ڪندو، اي سي او ملڪ شاهراهه ريشم ورثي جا نگهبان آهن، سربراهي ڪانفرنس ۾ سمورن ميمبر ملڪن جي اعليٰ قيادت جي شرڪت هڪ سنگ ميل آهي. اقتصادي تعاون تنظيم جي تيرهين سربراهي اجلاس جي موقعي تي وڊيو پيغام ۾ وزيراعظم چيو ته اڄ تيرهين اي سي او سربراهي اجلاس جي ميزباني پاڪستان جي لاءِ هڪ اعزاز آهي. پنهنجي خوبصورت ملڪ ۾ سمورن معزز مهمانن جي گرمجوشي سان آجيان ڪريون ٿا.
