اسلام آباد – 20 جنوري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته ڪوڙن الزامن ۽ ڪوڙن دليلن سان عدالت ۾ ڪيس نٿو کٽي سگهجي، مخالف جيترا چاهين الزام هڻن، نواز شريف پنهنجي تقرير ۾ غلط بياني ناهي ڪئي، مسلم ليگ (ن) پنهنجي قائد جي رستي تي هلندي شائستگي اختيار ڪندي آهي، تحريڪ انصاف کي ڪنٽينر تي بيهي ڳالهيون ڪرڻ جي عادت آهي، مملڪتي وزير مريم اورنگزيب سپريم ڪورٽ ٻاهران ميڊيا سان ڳالهائيندي چيو ته وزيراعظم جو نالو پاناما پيپرز ۾ نه آهي نه ئي هن پارليامينٽ يا ڪنهن به خطاب ۾ غلط بياني ڪئي آهي. پي ٽي آءِ طرفان داخل ڪيل پٽيشن سان گڏ ڪنهن به قسم جو ڪو ثبوت فراهم ناهي ڪيو ويو، پٽيشن ۽ عدالتي ڪيس مختلف آهن، ڪوڙن الزامن ۽ ڪوڙن دليلن سان عدالت ۾ ڪيس نٿو کٽي سگهجي، اهڙي طرح جماعت اسلامي جي وڪيل جا دليل داخل ڪيل پٽيشن جي بلڪل ابتڙ آهن، مملڪتي وزير چيو ته عمران خان طرفان جڏهن ڪيس داخل ڪيو ويو ته ان وقت مني لانڊرنگ، ٽيڪس چوري ۽ پئسا ڦٻائڻ جا الزام هنيا ويا.
