ڊيووس – 20 جنوري (اي پي پي) وزيراعظم محمد نواز شريف گڏيل عرب امارتن جي ابراج گروپ طرفان ڏنل آجياڻي ۾ خاص مهمان طور شرڪت ڪئي، ان موقعي تي دنيا جي مشهور ڪمپنين جي سربراهن پاڪستان کي سيڙپڪار دوست ملڪ قرار ڏنو. آجياڻي ۾ مشهور عالمي ڪمپنين سميت سٽي بئنڪ، يوني ليور، ميڪنسي ۽ ٻين اعليٰ عهديدارن شرڪت ڪئي، ڪمپنين جي سينئر ايگزيڪيٽوز پاڪستان ۾موجوده حڪومت طرفان کنيل قدمن جي نتيجي ۾ ايندڙ مثبت تبديلي کي پاڪستان ۾ ڪاروبار جي لاءِ سازگار قرار ڏنو. هنن پاڪستان ۾ موجوده حڪومت طرفان سيڙپڪار دوست پاليسين ۽ انفراسٽرڪچر جي بهتري لاءِ کنيل قدمن سبب اسٽاڪ مارڪيٽ جي سرگرمين ۾ اضافي کي ساراهيو.
