اسلام آباد – 22 جنوري (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته عمران خان چور مچائي شور جو زندهه مثال آهي، عدالت ٻاهران عدالت هڻندڙ اعليٰ عدليه ۾ ثبوت پيش ڇو نه ٿا ڪن.؟ پنهنجي هڪ بيان ۾ هن چيو ته عمران خان اليڪشن ڪميشن ۾ ٻاهرئين فنڊنگ ڪيس ۾ ڇوٽ ڇو گهري؟ عمران خان توهان جي قول فعل ۾ تضاد آهي ۽ توهان نواز شريف فوبيا ۾ مبتلا آهيو. مريم اورنگزيب چيو ته خان صاحب توهان کي ڪنٽينر تي چڙهي ڪوڙا الزام هڻڻ ۽ جلسن جلوسن ۾ ڪيس وڙهڻ جي عادت آهي.
