اسلام آباد – 14 جنوري (اي پي پي) قومي اسيمبلي جي اسپيڪر سردار اياز صادق عالمي پارلياماني برادري تي زور ڀريو آهي ته اها پاڪستان جي پارلياماني ادارن سان موثر رابطا رکي ۽ انهن کي مستحڪم بڻائي. اها ڳالهه هن لنڊن ۾ دولت مشترڪه جي پارلياماني ايسوسيئيشن جي سيڪريٽري جنرل اڪبر خان سان ملاقات دوران چئي. ڌرين پاڪستان ۽ پاڙيسري ملڪن جي پارليامينٽس ۽ انهن جي عملي جي سگهه وڌائڻ جي لاءِ ڪيترين ئي تجويزن تي تفصيلي غور ڪيو.
