اسلام آباد – 21 جنوري (اي پي پي) وزيراعظم جي پرڏيهي معاملن واري صلاحڪار سرتاج عزيز آمريڪي صدر ڊونلڊ ٽرپ کي صدارت جو عهدو سنڀالڻ تي مبارڪباد ڏني آهي. سرتاج عزيز نئين آ مريڪي انتظاميا تحت پاڪ آمريڪا لاڳاپن جي حوالي سان ميڊيا جي سوالن جي جواب ۾ چيو ته پاڪستان جي قيادت ۽ عوام آمريڪا جي ڪامياب اقتدار جي منتقلي جي آجيان ڪري ٿي ۽ آمريڪي صدر ڊونلڊ ٽرمپ کي آمريڪا جي 45 هين صدر جي حيثيت سان عهدو سنڀالڻ تي مبارڪباد پيش ڪري ٿي.
