اسلام آباد – 23 جنوري (اي پي پي) صدر ممنون حسين چيو آهي ته دنيا کي تشدد ۽ انتهاپسندي جي خلاف متحد ٿيڻ گهرجي، پاڪستان بهتر حڪمت علي سان دهشتگردي تي ضابطو آندو آهي، عالمي اسلامي رابطا ليگ کي پاڻ ۾ اتفاق پيدا ڪرڻ جي لاءِ حڪمت عملي بڻائڻ جي ضرورت آهي. هن اها ڳالهه ايوان صدر ۾ رابطا عالم اسلامي (مسلم ورلڊ ليگ) جي سيڪريٽري جنرل ڊاڪٽر محمد بن عبدالڪريم ال عيسيٰ سان ملاقات دوران چئي. صدر چيو ته دهشتگردي پاڪستان کي سڀ کان وڌيڪ متاثر ڪيو آهي پر بهتر حڪمت عملي سبب پاڪستان ان تي ضابطو آندو آهي، دهشتگردي پاڪستان جو ئي نه پر عالمي دنيا جو مسئلو آهي جنهن تي ضابطو آڻڻ جي لاءِ او آءِ سي سميت سمورن ملڪن کي گڏجي حڪمت عملي ٺاهڻي پوندي.