اسلام آباد – 16 جنوري (اي پي پي) اطلاعات، نشريات ۽ قومي ورثي واري وفاقي سيڪريٽري صباء محسن رضا چيو آهي ته ريڊيو پروگرامن جي معيار کي بهتر بڻائڻ جي لاءِ جديد براڊ ڪاسٽنگ ٽيڪنالاجي جو استعمال يقيني بڻايو وڃي، پروڊيوسر براڊ ڪاسٽنگ انڊسٽري ۾ ريڙهه جي هڏي جي حيثيت رکن ٿا کين پروڊڪشن جي معيار مطابقت جي لاءِ تحقيق ۽ جديد تصور متعارف ڪرائڻ گهرجن. هو پاڪستان براڊ ڪاسٽنگ اڪيڊمي ۽ ريڊيو هالينڊ ٽريننگ سينٽر جي سهڪار سان ٻن هفتن تي ٻڌل پروڊيوسرز ڪورس ۾ شرڪت ڪندڙن کي خطاب ڪري رهي هئي.