اسلام آباد – 31 جنوري (اي پي پي) صدر ممنون حسين ۽ فلسطين جي صدر محمود عباس اتفاق ڪيو آهي ته ڪشمير مسئلي ۽ فلسطين جو مسئلي جو منصفاڻو ۽ جلد حل ئي دنيا ۾ امن ۽ خوشحالي جو سبب بڻجي سگهي ٿو. ٻنهي اڳواڻن زور ڏنو ته اسرائيل کي ناجائز اڏاوتن کي روڪيو وڃي ۽ فلسطين جي مسئلي جو حل ڪڍيو وڃي. صدر ممنون حسين چيو ته 2017ع ۽ 2018ع جو سال فلسطين ۽ ڪشميرين جي لاءِ خير ۽ برڪت جو سال هوندو. ٻنهي اڳواڻن جي وچ ۾ ملاقات ايوان صدر ۾ ٿي. ٻنهي اڳواڻن اڳ ۾ نويڪلائي ۾ ملاقات ڪئي ۽ ان کانپوءِ وفدن جي سطح تي ڳالهيون ٿيون.
