اسلام آباد – 30 جنوري (اي پي پي) وزيراعظم محمد نواز شريف چيو آهي ته بنيادي ڍانچي جا منصوبا مستحڪم معيشت جي ڪرنگهي جي هڏي ۽ عوام جي سهولت ڏيڻ جي لاءِ لازمي آهن. هن اها ڳالهه نيو اسلام آباد انٽرنيشنل ايئرپورٽ منصوبي ۽ ان سان لاڳاپيل انفراسٽرڪچر تي اڳڀرائي جي جائزه اجلاس جي صدارت ڪندي چئي. ايوي ايشن ڊويزن جي سيڪريٽري ٻڌايو ته ايئرپورٽ ٽرمينل بلڊنگ جو 95 سيڪڙو ڪم مڪمل ٿي چڪو آهي ۽ مارچ 2017ع دوران سمورو سول ورڪس مڪمل ٿي ويندو، ان کانپوءِ عالمي معيارن سان هم آهنگي جي لاءِ ان سهولت جي ڀرپور ڇنڊڇاڻ ڪئي ويندي.
