ڪوئيٽا – 27 ڊسمبر (اي پي پي) صدر ممنون حسين چيو آهي ته آئون بلوچستان جي سرزمين تي بيهي اهو واضح ڪريان ٿو ته پاڪ چين اقتصادي لنگهه جي روٽ ۾ هڪ انچ جي به تبديلي ناهي ڪئي وئي ۽ ان ڳالهه کي يقيني بڻايو ويندو ته بلوچستان سميت ملڪ جو ڪو به حصو ان لنگهه جي فائدن کان محروم نه رهي. هن اها ڳالهه قائد جي ڏهاڙي جي حوالي سان منعقد تقريب کي خطاب ڪندي چئي. صدر چيو ته بلوچستان جا خراب ڏينهن ختم ٿي ويا ۽ هاڻي بلوچستان جو مستقبل روشن آهي. هن چيو ته ايندڙ ڏينهن ۾ پاڪستان خطي جو هڪ اهم ترين ملڪ هوندو. هن چيو ته قائداعظم محمد علي جناح بلوچستان بابت جن امڪانن جي نشاندهي ڪئي هئي اهي اڄ حقيقت بڻجي اڀري رهيا آهن.
